অক্ষয় কুমাৰে ধন্যবাদ জনালে কেন্দ্ৰীয় মন্ত্ৰী কিৰেণ ৰিজ্জুক

জনপ্ৰিয় অভিনেতা অক্ষয় কুমাৰৰ নাগৰিকতাক লৈ যি বিবাদৰ সুত্ৰপাত হৈছিল তাত কেন্দ্ৰীয় মন্ত্ৰী কিৰেণ ৰিজ্জুৰ ভূমিকাক অক্ষয় কুমাৰে ধন্যবাদ জনাছে৷  প্ৰধানমন্ত্ৰী নৰেন্দ্ৰ মোদীৰ লগত হোৱা ‘অৰাজনৈতিক’ সাক্ষাৎকাৰৰ পিছত ২৯ এপ্ৰিলত মুম্বাইত হোৱা নিৰ্বাচনত ভোটদান নকৰাৰ পিছত তেওঁৰ নাগৰিকতাক লৈ বাৰুকৈয়ে চৰ্চা

হৈছিল৷অভিনেতা গৰাকীয়ে ৩ মে’ত টুইটাৰত লিখিছিল যে তেওঁ কেতিয়াও লুকুৱাব বিচৰা নাই যে তেওঁৰ ওচৰত কানাডাৰ পাছপৰ্ট আছে৷ সেইকথাৰ সমৰ্থন কৰি ৰিজ্জুৱে লিখিছিল যে তেওঁৰ দেশভক্তি কোনোধৰণৰ সন্দেহৰ পৰা দূৰত আছে৷ মন্ত্ৰীগৰাকীয়ে অভিনেতাগৰাকীৰ ‘ভাৰতৰ বীৰ’ অভিযানৰ যোগেদি ধন সংগ্ৰহৰ বাবেও প্ৰশংসা কৰে৷ এই ধন ৰাশিৰ পৰা সন্ত্ৰাসবাদীৰ হাতত মৃত্যু হোৱা বীৰ সৈনিকসকলৰ পৰিয়ালৰ কল্যাণৰ বাবে দিব পৰা যাব৷